ABŞ-nyň Wiskonsin ştatyndan bolan Meýn Kun pişigi penjeleriniň adatdan daşary gurluşy üçin Ginnesiň rekordlar kitabyna girdi. Adaty pişiklerde 18 barmak bolsa (öň penjeleriniň her birinde bäş we arka penjesinde dört), onuň 29 barmagy bar.
Pişigiň ady onuň adatdan daşary keşbini görkezýär: Anomaliýa bolan Erebus. Barmaklaryň aşa köp bolmagy polidaktiliýa diýilýän genetiki ýagdaý bilen baglanyşykly.
Esasan hem, Meýn Kun pişikleriniň sany köp, olar goşmaça barmaklar bilen dogulýarlar, ýöne Erebusyň ýagdaýy bütin dünýäde diýseň özboluşly hadysa hasaplanýar. Gyzykly tarapy, Erebusyň kakasynyň her penjesinde alty barmak bardy, bu bolsa adaty pişikleriňkiden alty barmak köp.
Rekord goýan pişigiň eýeleri onuň çaga wagtynda agyr keselden ejir çekendigini aýtdylar. Hatda oňa kislorod hem berildi. Şeýle-de bolsa, bejergi kömek etdi we pişik sagaldy. Keseliň geçendigini tassyklamak üçin eýeleri rentgen düşürdiler. «The Guardian» gazetiniň habaryna görä, bu suratlar Ginnesiň rekordlar kitaby üçin subutnama hökmünde hem ulanyldy, sebäbi olarda goşmaça barmaklar aýdyň görkezilýär.
Show more