Gresiýanyň Karpatos adasynda seýrek duş gelýän jandaryň — «Ortaýer deňzi monah düwleni» diýlip atlandyrylýan suw haýwany dünýä indi. Munuň özi ýitip gitmek howpy abanýan bu görnüşiň geljegine umyt berýär.
Gündogar — Gündogar Egeý Daşky gurşaw müdirliginiň işgärleri täze dünýä inen düwleniň erkekdigini mälim etdiler. Bu soňky ýyllarda hakyky seýrek duş gelýän ýagdaý.
Ortaýer deňzi monah düwleni howp astyndaky deňiz süýdemdirijisidir. Karpatos bu görnüşiň iň köp duş gelýän mesgenidir.
Bu jandaryň jübütleşme möwsümi awgust aýynyň ahyrynda başlaýar we dekabr aýyna çenli dowam edýär. Düwlenler gumly kenarlary bolan gizlin gowaklarda köpelýärler, şol ýerde eneleri olary goraýar we bäş-alty aýlap emdirýär. Düwlenler doglanda bir metr töweregi uzynlykda we 15-20 kilogram agramynda bolýar. Olar gara tüýleri we garnyndaky ak tegmilleri bilen tapawutlanýarlar. Dogum derejesini gözegçilikde saklamak bu görnüşi goramak üçin örän möhümdir. Gündogar — Gündogar Egeý Daşky gurşaw müdirliginiň, ylmy-barlag institutlarynyň we ýerli jemgyýetleriň goldawy bilen, Egeý deňziniň biodürliliginiň aýrylmaz bölegi bolan Ortaýer deňzi monah düwleniniň ýaşaýan ýerini gorap saklamak boýunça netijeli işlerini dowam etdirýär.