Bu film diňe üç dost hakyndaky hekaýa däl. Ilki «Mosfilm» çeperçilik geňeşi tarapyndan ret edilen filme tomaşaçylar dessine aşyk boldular we 1981-nji ýylda ol «Oskar» baýragyna mynasyp boldy. Geliň, bu filmi ebedi nusgalyk edýän jikme-jiklikleri nähili derejede ýadyňyzda saklaýandygyňyzy göreliň.
«Moskwa gözýaşlaryna ynanmaýar» tutuş bir döwrüň durmuşynyň, söýginiň we jemgyýetçilik ösüşiniň ensiklopediýasydyr, ol onlarça ýyl soň hem kino muşdaklarynda uly gyzyklanma döredýär. Bu umytlaryň, lapykeçlikleriň we ýeňişleriň hekaýasy bolup, köpden bäri sitatalara bölünip, medeni koduň bir bölegine öwrüldi. Sýužet öwrümleri, esasy gepleşikleri we gahrymanlaryň ykbaly ýadyňyza düşdümi?
Režissýor Wladimir Menşowyň «Moskwa gözýaşlara ynanmaýar» «Iň gowy daşary ýurt filmi» ugry boýunça «Oskar» baýragynyň mynasyp görlüpdi. Sowuk urşunyň gyzyşan döwründe çykandygyna garamazdan, bu filmiň Akira Kurosawanyň we Fransua Trýuffonyň işlerinden rüstem gelip, ýeňiş gazanmagy garaşylmadyk waka boldy. Film sowet prokatynyň hem öňdebaryjylarynyň biri hasaplanýar (takmynan 84,4 mln tomaşaçy).
Film we onuň «Oskar» baýragy barada esasy maglumatlar:
Baýrak: Abraýly baýragyň eýesi hökmünde gowşurylýan heýkeljigi 1981-nji ýylyň 31-nji martynda režissýoryň özi däl-de, SSSR-iň ABŞ-daky ilçihanasynyň medeniýet boýunça attaşesi aldy. Çünki Menşowyň dabarada bolmaga mümkinçiligi ýokdy.
Režissýoryň bu habary nähili kabul etdi: Wladimir Menşow ýeňiş barada diňe 1-nji aprelde bildi we başda muny degişme hasaplady.
Ykrar edilmegi: «Oskardan» başga-da, bu eser SSSR-iň Döwlet baýragyna hem mynasyp boldy.
Rekordlar: Bu film bütin sowet kinosynyň taryhynda tomaşaçylarynyň sany boýunça ikinji ýeri eýeleýär.
Medeni täsiri: ABŞ-nyň Prezidenti Ronald Reýganyň Mihail Gorbaçýow bilen duşuşmazdan ozal, «syrly rus ruhuna» düşünmek üçin bu filme azyndan sekiz gezek tomaşa edendigi aýdylýar.
Show more