Ajaýyp bahar paslynyň gelmegi giň dünýämizi gül-gülälekleriň bark urýan ysy, ajaýyp gözelligi bilen bezeýär. Biri-birinden owadan güller tebigatyň görküne görk goşýar. Şeýle gülleriň biri-de, köpleriň halaýan güli bolan bägüldir. Ol planetanyň iň owadan güllerinden biridir. Aslynda, özüne sowgat berlen bägülli çemenine seredip, ýylgyrmaýan ýekeje zenan ýa-da gyz-gelin ýok bolsa gerek! Geliň, «Gülleriň şasy» hasaplanýan bägül hakynda täsirli maglumatlara seredip geçeliň:
- Bägül ABŞ-nyň, Eýranyň we Angliýanyň milli gülüdir.
- Tebigy bägül ýagy dünýädäki iň gymmat ýaglardan biridir. Käbir sebitlerde ol altyndan we platinden hem has gymmatlydyr. Bir kilogram bägül ýagyny almak üçin üç tonna gül ýapragy gerek bolýar.
- Söýgüliler gününde satylýan iň köp gül bägül bolup, şonda onuň ortaça üç million sanysy satylýar.
- Bägülüň ysyny yzygiderli alýan adam mylaýym we rahat bolýar. Bägülüň hoşboý ysyny yzygiderli alýanlar has hoşniýetli häsiýete eýe bolýarlar.
- Meşhur ýazyjy Şekspir hem öz eserlerinde bägülleri 50 gezek belläp geçipdir.
- Dünýädäki iň kiçijik bägül tüwiniň dänesiniň ululygyndadyr.
- Dünýädäki iň gadymy bägül Germaniýada bir zawodyň golaýynda ösýär. Ol gyrymsy bolup, ýerleşýän binasynyň üçegine ýetdi. Bu gülüň ýaşy 1000 ýyl töweregi. Uruş ýyllarynda zawod zaýalandy, ýöne ol bägül ýene-de saklanyp galan kökünden gögerip çykdy.
- Ýabany bägül miwelerinde C witamininiň möçberi limondakydan hem has köpdür. Ondan taýýarlanan derman saglygy gowulaşdyrmak üçin täsirli serişdedir.
- Ýaponlar bägülüň «Hameleon» diýen iň owadan görnüşlerinden birini döretdiler. Gündizine ol gül açyk gyzyl, gijesine bolsa ak reňk bilen boýalýar.
- Bägülüň käbir görnüşlerinden mürepbe taýýarlanylýar.
- Aslynda bägülüň täsin reňkli görnüşleri seleksionerler tarapyndan däl-de, himikler tarapyndan döredildi.
- Bägül ýagy zenanlaryň atyr önümleriniň 98 %-ini, erkekleriň atyrlarynyň bolsa 48 %-ini düzýär.
- Gadymy döwürde rimliler ilkinji bolup gyrymsy bägülleri ösdürip ýetişdiripdirler, gadymy rim eserlerinde onuň 10-dan gowrak görnüşi beýan edilipdir. Mysal üçin, rimliler durmuşa çykýanlara gülgüne bägül dakypdyrlar we imperatorlar toýlarda gül şerbetini içipdirler.
- Bägülüň hoşboý ysy iň güýçli antidepressantlardan biridir.
- Bägül toý-dabaralarynyň möhüm aýratynlygydyr. Şeýlelikde, arassalygy, bakylygy, söýgi duýgusyny we yhlasy alamatlandyrýan ak hem gyzyl bägüller olaryň iň köp ulanylýan görnüşleridir.
- Meşhur Konfusiniň kolleksiýalarynda hem bägülleriň takmynan 600 tomy bar.
- Ak bägüller arassa duýgulary, päkligi alamatlandyrýar.
- Bolgariýada maý aýynda her ýyl bu gülüň hormatyna festiwal geçirilýär, şol ýerde bägül bagtyň nyşany hasaplanylýar.
Show more