Tans sungatlary hakynda bilmek gyzykly...

Her mil­le­tiň özü­ne mah­sus medeniýeti, me­de­ni mira­sy, milliligi bar. Medeni miras hem-de me­de­ni­ýet her bir hal­kyň taryhy­ gelip çykyşyny, urp-adatlaryny, des­sur­la­ry­ny­ we ynanç­la­ry­ny kemala getir­ýär. Olaryň arasynda dünýä ýüzünde meşhurlyga eýe bolan tans sungaty hem bellenmäge mynasypdyr. Tans sungaty her mil­le­tiň mede­ni­ýe­ti­ni, milliligini alamatlandyrýar. Bu sungat wagtyň geçmegi bilen döw­re­bap­laş­dy­rylyp, barha kämilleşdirilipdir. Häzirki wagtda ençeme tans görnüşleri bolup, olar islendik adama ruhy lezzet paýlaýar. Dün­ýä­ ýüzünde uly meşhurlyga eýe bolan şeýle tans­la­ry­ň kä­bi­ri­ hakynda durup geçeliň: 

Küşt­dep­di tansy. Ýurdymyzda dabarasy uludan tu­tul­ýan baýramlarymyzyň hem toýlarymyzyň bezegidir. Küştdepdi tansy türkmen halk döredijiliginiň mil­li öwüş­gi­ni bo­lmak bilen, 2017-nji ýyl­da ÝUNESKO-nyň Adamzadyň mad­dy däl me­de­ni mi­ra­sy­nyň sa­na­wy­na gi­ri­zil­di. Gözbaşyny gadymdan alýan bu tans sungaty halkymyzyň milli gymmatlygy bolup, ol şatlyk-joş­gu­nyň, owadan hem çe­ýe he­re­ke­tleriň özboluşly sazlaşygydyr. 

Tan­go tansy. Ar­gen­ti­na döwletine mah­sus bo­lan bu tans görnüşi hem meşhurdyr. Ol 1860-njy ýyl­lar­da Bue­nos-Aý­res­de ýüze çykypdyr. Irki döwürlerde bu tan­sy Gü­nor­ta Ame­ri­ka ýurt­la­ry­na gö­çüp ba­ran ýew­ro­pa­ly­lar ýerine ýetiripdir. Tango tansyn­da ada­myň is­legi, ar­zuw­-umyt­la­ry he­re­ket­ler ar­ka­ly be­ýan edil­ýär we ajaýyp görnüş emele gelýär. 

Wals tansy. Bu meşhur tansy bilmeýänler az bolsa gerek. Jü­büt­le­riň ýerine ýetirmeginde örän tä­sir­li çy­kyş­la­ryň bi­ri ha­sap­lan­ýan wals sungaty häzirki günlerimize çenli kämilleşip gelipdir. Aslynda, bu meşhur tan­syň gelip çykan ýeri Awst­ri­ýa ha­sap­lanyl­ýar. 

Hu­la tansy. Ga­waý adalarynyň ýer­li ýa­şaý­jy­la­ry­nyň ýe­ri­ne ýe­tir­ýän tan­syn­da de­ňiz tol­kun­la­ry­nyň ala­mat­la­ry­ny gör­mek bol­ýar. Ga­waý me­de­ni­ýe­ti­niň bir bö­le­gi ha­sap­lan­ýan bu tans ada­lar top­lu­my­na bar­ýan da­şa­ry ýurt­ly myh­man­la­ryň öňün­de hem ýe­ri­ne ýe­ti­ril­ýär. 

Sal­sa tansy. Jü­büt­le­riň ara­syn­da ýe­ri­ne ýe­ti­ril­ýän salsa tansy hem dünýä ýüzünde meşhur tans sungatlarynyň biridir. Onda Ame­ri­ka, Ýew­ro­pa we Ka­rib de­ňzi­niň me­de­ni­ýe­ti özara sazlaşyp, täsirli görnüşi emele getirýär. Esasan hem, er­kin ýagdaýda ýe­ri­ne ýe­ti­ril­ýän bu tan­syň esa­sy aý­ra­tyn­ly­gy­ hem he­re­ket­le­riň ozal bel­le­nen düzgün esasynda däl-de, ýü­zug­ra ýe­ri­ne ýe­ti­ril­me­ginde jemlenendir.