Zähmetsöýerlik bilen bagly paýhas dürdäneleri

Eli işläniň, agzy dişlär.

Tomus depesi gaýnamadygyň, gyş gazany gaýnamaz.

Işiň janyny işlän alar.

Peltesiz çyra ýanmaz, hünärsiz ile ýaramaz.

Altyn otda bilner, adam – zähmetde.

Halal zähmet – baky döwlet.

Işläne – bar, işlemedik – nana zar.

Bag – ekeniňki, ýap – çekeniňki.

Zähmetiň nany süýji, ýaltanyň – jany.

Ýazdaky hereket, güýzki – bereket.

Çekmeseň jepa, sürmersiň sapa.

Iş etmän ilden öýkeleme, ekin ekmän – ýerden.

Zähmet soňy – rehnet.

Işi akyl bilen tut, zehin bilen gutar.

Baýlygyň enesi – ýer, atasy – zähmet.

Jepasyny çeken wepasyny görer.

Işi balarysyndan öwren, agzybirligi – goýun sürüsinden.

Halal işle, haýyr tap.

Işi owal başlama, başladyňmy – taşlama.

Hünär eýesini eziz eder.

Tomsuna saz çalan, gyşyna gapy kakar.

Sen ýeri ýer etseň, ýer seni ner eder.

Hünäri ýok kişiniň, netijesi bolmaz işiniň.

El görki – hünär.

Ýaşlygymda mähnet ber, garranymda – döwlet.

Edenli adam topragy altyna öwrer.

Ýer – bakany bakar, bakmadygy – ýykar.