1752-nji ýyl. Benjamin Franklin batbörek bilen geçiren tejribesinde ýyldyrym çakmagynyň elektrik tebigatyny subut etdi.
1844-nji ýyl. Çarlz Gudir reziniň wulkanizasiýa usulyny patentleşdirdi.
1851-nji ýyl. Süýtçi Jekob Fussel Baltimorda (ABŞ, Merilend ştaty) dünýäde ilkinji doňdurma öndürýän kärhanany esaslandyrdy.
1867-nji ýyl. Indianapolisiň (ABŞ) lukmany Jon Bobbs tarapyndan taryhda ilkinji gezek öt haltasyndaky daşy aýyrmak boýunça şowly operasiýa geçirildi.
1904-nji ýyl. Germaniýanyň «Baýer» (Laywerhuzen) futbol kluby esaslandyryldy.
1911-nji ýyl. Magtymguly etrabynyň Daýna obasynda daýhan maşgalasynda Türkmenistanyň Ylymlar akademiýasynyň ilkinji prezidenti, akademik Tagan Berdiýew dünýä indi.
1924-nji ýyl. «Ford» kompaniýasy 10 millionynjy awtomobilini öndürdi.
1929-njy ýyl. Lebap welaýatynyň Hojambaz etrabynyň Mekan obasynda şahyr Allaberdi Haýydow dünýä indi. Ol 40-dan gowrak kitabyň we ajaýyp terjimeleriň awtorydyr. Onuň sözlerine döredilen «Ýyllar ýatyr aramyzda» aýdymy bolsa halkymyzyň ýüreginde baky orun aldy.
1954-nji ýyl. Ýewropa futbol birleşigi — UEFA esaslandyryldy.
2004-nji ýyl. Jübi telefonlary üçin ilkinji tor wirusy — «Cabir» ýüze çykaryldy.
