1630-njy ýyl. Iňlis koloniýaçylary ilkinji gezek popkorny — mekgejöwen patraklaryny dadyp gördüler. Bu tagamy indeýler ençeme müňýyllyklaryň dowamynda taýýarlap gelipdirler. Iňlislere bu tagamy indeý taýpasynyň serdary Kwodekuaýn hödür etdi.
1632-nji ýyl. Galileo Galileý özüniň iň möhüm ylmy işini — Ýewropanyň geljekki astronomiýa ylmynyň ösmegine düýpli täsir eden «Dünýäniň iň esasy iki ulgamy — ptolemeý we kopernik hakynda dialog» atly eserini neşir edýär.
1732-nji ýyl. Amerikanyň Birleşen Ştatlarynyň birinji prezidenti Jorj Waşington dünýä indi.
1810-njy ýyl. Polşaly kompozitor we pianinoçy Frederik Şopen doguldy. Şopen ähli döwürleriň iň beýik sazandalarynyň biri hökmünde ykrar edildi we onuň döredijiligi köp sanly kompozitorlara düýpli täsir etdi.
1946-njy ýyl. Zelman Waksman agyr öýken keseline garşy ilkinji antibiotigi — streptomisini açýar.
1966-njy ýyl. Weterok we Ugolýok atly iki it «Kosmos-110» hemrasynda älem giňişligine uçuryldy. Bu itler uçuşyň dowamlylygy boýunça 22 günlük täze rekordyň eýesi hökmünde bellige alyndylar.
1997-nji ýyl. Şotlandiýaly alymlar Dolli atly goýnuň üstünlikli klonlaşdyrylandygy barada ilkinji gezek habar berdiler. Munuň özi himiki birleşmeleriň izolirlenmegi we madda çalşygynyň öwrenilmegi bilen bagly möhüm ylmy täzelige öwrüldi.
