1829-njy ýyl. Amerikan oýlap tapyjysy Uilliam Ostin Bert «Tipograf» diýlip atlandyrylýan ilkinji ýazuw maşynkasynyň patentini aldy.
1903-nji ýyl. «Ford Motor Company» döredileninden bir aý çemesi wagt geçensoň, özüniň ilkinji awtomobilini satdy. Bu «Model A» diýlip atlandyrylýan ulagdy we ol awtomobil senagatynyň taryhynda uly öwrülişik boldy. Genri Forduň bu başlangyjy dünýäniň ulag medeniýetini düýbünden üýtgetdi.
1962-nji ýyl. «Telstar-1» emeli hemrasynyň üsti bilen taryhda ilkinji gezek Amerikadan Ýewropa göni efirde teletolkun ugradyldy. Bu waka global habar beriş ulgamynda täze bir döwrüň — hemra teleýaýlymlarynyň başlanandygyny buşlady.
1995-nji ýyl. Meýletin gözlegçiler Alan Heýl we Tomas Bopp tarapyndan XX asyryň iň meşhur kometalarynyň biri bolan Heýl-Bopp kometasy tapyldy. Bu kometa Ýer ýüzünden iň uzak wagtlap (18 aýlap) ýönekeý göze görnen asman jisimi hökmünde taryha girdi.
1989-njy ýyl. Dünýä belli iňlis aktýory, «Garri Potter» filminde baş keşbi janlandyran Daniel Redkliff dünýä indi. Ol bu keşbi bilen millionlarça çaganyň we ulularyň söýgüsini gazanyp, kinosöýüjileriň hakydasynda «jadyly oglanjyk» bolup galdy.
2011-nji ýyl. Özboluşly sesi we ýerine ýetirijilik ukyby bilen tanalýan iňlis aýdymçysy Emi Uaýnhaus 27 ýaşynda aradan çykdy. Ol gysga ömrüniň dowamynda 5 gezek «Gremmi» baýragyny gazanmagy başarypdy we saz dünýäsinde «27-ler klubynyň» (27 ýaşynda ýogalan zehinli sazandalar) agzasyna öwrüldi.
