Az wagt ozal Kuala-Lumpurda (Malaýziýa) AFK-nyň Çempionlar ligasy ― 2-niň toparçalaýyn tapgyrynyň bijeleri çekildi. Şunlukda, ýurdumyzyň «Arkadag» hem-de «Ahal» toparlarynyň çykyş etjek toparçalary hem-de şol ýerdäki garşydaş klublar kesgitlendi.
AFK-nyň Çempionlar ligasy ― 2-niň toparlaýyn tapgyryna 32 topar gatnaşýar. Şunlukda, bije çekişlikde klublar Günbatar we Gündogar zolaklara paýlanyldy.
Ýurdumyzyň çempiony bolmagy başaran «Arkadag» futbol kluby «B» toparçada «Al-Ahli» (Katar), «Andižan» (Özbegistan) hem-de «Al-Haldiya» (Bahreýn) toparlary bilen duşuşar.
«Ahal» bolsa «C» toparça düşdi. Onuň toparçadaky garşydaşlary «Sepahan» (Eýran), «Al-Husseýn» (Iordaniýa) hem-de «Mohun Bagan» (Hindistan) boldy.
Toparçalaýyn tapgyryň duşuşyklary 2025-nji ýylyň sentýabr — dekabr aýlarynda geçiriler.
Biz türkmen toparlaryna uly üstünlikleriň ýar bolmagyny arzuw edýäris.
