Türkmenistanyň futbol boýunça Ýokary ligasynyň 19-njy tapgyrynyň wagty süýşürilen duşuşygynda «Ahalyň» futbolçylary Türkmenbaşynyň «Şagadamyny» 1:0 hasabynda ýeňlişe sezewar etdiler.
Oýnuň ykbalyny «Ahalyň» kapitany Elman Tagaýewiň 52-nji minutda geçiren ýeke-täk goly kesgitledi.
Şu ýeňşiniň esasynda 43 utuk toplan «Ahal» ýaryş tertibiniň ikinji basgançagyna çykdy. 41 utuga eýelik edýän «Altyn Asyr» bolsa üçünji orna düşdi.
Ýeri gelende bellesek, 23 duşuşykda 69 utuk toplamagy başaran «Arkadag» topary bassyr üçünji gezek wagtyndan öň Türkmenistanyň çempiony bolmagyň hötdesinden geldi.