Kriştianu Ronaldu we onuň çykyş edýän topary — Saud Arabystanynyň «Al-Nassr» kluby AFK-nyň Çempionlar ligasy 2-niň finalyna ýollanma aldy. Saud topary ýarymfinal duşuşygynda Kataryň «Al-Ahli» toparyny 5:1 hasabynda ýeňmegi başardy.
Ýeňiji toparyň hatarynda fransuz hüjümçisi Kingsli Koman üç top geçirip, het-trik etmegi başardy. Öz gezeginde, Ronaldu bu duşuşykda netijeli hereketleri amala aşyryp bilmedi. Portugaliýaly hüjümçi oýna esasy düzümde çykyp, 78-nji minutda çalşyryldy.
Final duşuşygynda «Al-Nassr» Ýaponiýanyň «Gamba Osaka» topary bilen duşuşar. Ýaryşyň aýgytly oýny 16-njy maýda geçiriler.
