«Apple» kompaniýasy täze «iPhone» modelleriniň we beýleki enjamlaryň tanyşdyrylmagyna garaşylýan nobatdaky çäresini yglan etdi. Ol 9-njy sentýabrda bolar.
«Surprise and shine» («Haýran galdyr we lowurda») şygary astynda geçiriljek çäre Aşgabat wagty bilen sagat 22:00-da başlar we «Apple Park» şäherçesinde geçiriler.
«Apple» öňünden hiç wagt jikme-jik maglumatlary aýan etmeýär. Şol bir wagtyň özünde, ýaýran myş-myşlara we syzyp çykan maglumatlara görä, binýatlyk «iPhone 18» modeli şu güýzde çykarylmaz. Onuň deregine, esasy model «iPhone e» seriýasy bilen birlikde bahar paslyndaky tanyşdyrylyşa geçiriler. Ýöne munuň öwezine ilkinji eplenýän «iPhone», şeýle-de flagman smartfonlary bolan «iPhone 18 Pro» we «iPhone 18 Pro Max» görkeziler.
Şeýle hem täze akylly sagatlaryň tanyşdyrylmagyna garaşylýar.
Deslapky çaklamalara görä, täze önümler üçin öňünden sargytlar 12-nji sentýabrda başlanar, satuwlaryň bolsa 2026-njy ýylyň 18-nji sentýabrynda açylmagy mümkin.
