«Apple» kompaniýasy üç enjamy könelişen önümleriň sanawyna geçirdi: 2017-nji ýylyň 12 dýumlyk «MacBook» noutbugy, altynjy nesil «iPad» planşeti we «BeatsX» simsiz gulaklyklary. Kompaniýa öz resmi goldaw sahypasynda wintaž we könelişen önümleriň sanawyny täzeledi. Indi bu üç modeliň hemmesi şol ýerde könelişen enjamlar hökmünde bellenilýär.
«Apple» köne tehnikalary iki topara bölýär. Satuwy bes edileni bäri 5 ýyldan kän, ýöne 7 ýyldan az wagt geçen modeller «wintaž» hasaplanýar. Şeýle enjamlary, eger ammarda degişli şaýlar bar bolsa, resmi hyzmat ediş merkezlerinde bejertmek mümkin. Satuwy bes edileni bäri 7 ýyldan gowrak wagt geçen modeller bolsa eýýäm könelişen hasaplanýar. Olar üçin resmi bejeriş hyzmaty doly bes edilýär: «Apple Store» dükanlarynda we ygtyýarly hyzmat ediş hyzmatdaşlarynda şeýle tehnika indi kabul edilmeýär.
Şeýle hem bu modeller üçin ätiýaçlyk şaýlary resmi taýdan öndürilmeýär. Şonuň üçin hem, wagtyň geçmegi bilen olary tapmak has-da kynlaşar.
