Malaýziýanyň Kuala-Lumpur şäherinde çekilen bijeler ýurdumyzyň «Arkadag» futbol toparynyň AFK-nyň «Çempionlar ligasy — 2» bäsleşiginiň toparçalaýyn tapgyryndaky garşydaşlaryny kesgitledi.
Şeýlelikde, Arkadag şäheriniň adybir kluby ýaryşyň «B» toparçasynda çykyş eder. Ol bu toparçada Birleşen Arap Emirlikleriniň «Al Jazir», Eýranyň «Golgohar Sirjan» hem-de Bahreýniň «Muharrak» futbol klublary bilen duşuşar. Oýunlar toparlaryň her biriniň öz futbol meýdanynda we myhmançylykda geçiriler.
«Arkadag» futbol toparynyň AFK-nyň «Çempionlar ligasy — 2» bäsleşiginde uly üstünlikleriň hemra bolmagyny arzuw edýäris.
