28-nji oktýabrda Arkadag şäheriniň «Arkadag» stadionynyň türgenleşik meýdanynda «Gaýyş top» ady bilen çagalar futbol festiwaly geçirildi.
Türkmenistanyň Futbol federasiýasy tarapyndan guralan möhüm çäräniň baş maksady ýurdumyzda futboly köpçülikleýin ösdürmekden yabaratdyr.
Özboluşly sport baýramçylygyna öwrülen festiwala bütin dünýäde iň bir söýgüli oýunlaryň biri bolan futbolyň ýaşajyk wekilleriniň 200-den gowragy gatnaşdy. Ýaş futbolçylar başarnyklaryny, hyjuwlaryny we toparyň jebisligini öz çykyşlarynda görkezdiler. Bu festiwal çagalaryň arasynda futbola gyzyklanma döreden täsirli waka hökmünde hemmelerde uly gyzyklanma döretdi.
Gyzgalaňly geçen futbol festiwalynyň soňunda oňa gatnaşyjylara ýadygärlik sowgatlar gowşuryldy.