Arkadag şäheriniň adybir topary paýtagtymyzdaky «Nusaý» stadionynda Türkmenistanyň Kubogy ugrundaky ýaryşyň çägindäki nobatdaky duşuşygyny ýeňiş bilen jemledi. Bu oýun Kubok bäsleşiginiň birinji ýarymfinalynyň birinji duşuşygydyr. Myhmançylykda çykyş edýändigine garamazdan, ynamly oýun görkezen ýurdumyzyň çempiony — «Arkadag» topary paýtagtymyzyň «Aşgabat» toparyny 3:1 hasabynda ýeňlişe sezewar etdi.
Kubok bäsleşiginiň birinji ýarymfinalynyň çägindäki ikinji oýun 21-nji noýabrda «Şagadam» hem-de «Ahal» toparlarynyň arasynda geçiriler.
Kubok bäsleşiginiň birinji ýarymfinal duşuşygy:
«Aşgabat» – «Arkadag» – 1:3
Gollar: 38 (11 m.j.u.) Begmyrat Pirkulyýew («Aşgabat») – 23 Ylýas Çaryýew, 42 Begenç Akmämmedow, 59 Diýargylyç Orazow («Arkadag»)
