Türkenistanyň futbol çempionatynyň 20-nji tapgyrynyň wagty süýşürilen duşuşygy bilen Ýokary liganyň üçünji aýlawy başlandy.
Bu duşuşykda «Arkadag» topary paýtagtymyzyň «Aşgabat» klubuny 4:0 hasabynda ýeňlişe sezewar etdi. Arkadag şäheriniň toparyndan Altymyrat Annadurdyýew het-trik etmegi başardy we 13 gol bilen çempionatyň iň köp gol geçiren oýunçylarynyň sanawynda birinji orna geçdi. Bu sanawda 2–nji orny A.Annadurdyýewiň topardaşy, 12 gola awtorlyk edýän Begenç Akmämmedow eýeleýär.
20-nji tapgyryň wagty süýşürilen duşuşygy:
«ARKADAG» – «Aşgabat» 4:0
Gollar: 18, 47, 62 Altymyrat Annadurdyýew, 77 Şamämmet Hydyrow («Arkadag»)
