«Türkmenistan» awiakompaniýasy içerki gatnawlaryň tertibine girizilen üýtgeşmeleri yglan etdi.
Şunlukda, Aşgabat — Türkmenbaşy ugry boýunça T5-245 belgili goşmaça gündelik gatnaw ýola goýuldy. Onuň uçuş wagty 14:30-da, gonuş wagty bolsa 15:30-da bolar. Şunda 12-nji dekabra çenli bu ugur boýunça gündelik üç gatnaw (T5-241, T5-245 we T5-247) amala aşyrylar.
Galyberse-de, biz Aşgabat — Daşoguz we şonuň ters ugry boýunça gatnawyň hem 13-nji dekabra çenli artdyrylýandygyny habar beripdik.
Beýleki içerki gatnawlaryň, şol sanda Aşgabat — Mary, Aşgabat — Türkmenabat, Aşgabat — Balkanabat, Aşgabat — Kerki we yzyna gaýdýan ugurlaryň tertibi üýtgewsiz galar.
