Aşgabatda Birleşen Arap Emirlikleriniň Milli gününiň 54 ýyllygy mynasybetli dabaraly çäre geçirildi. Gutlag sözleri bilen başlanan resmi kabul edişlik täsirli pursatlara beslendi.
Bu ýerde Türkmenistan bilen BAE-niň arasyndaky gatnaşyklaryň işjeň ösdürilýändigi tassyklanyldy. Ýeri gelende bellesek, 2024-nji ýylda iki döwletiň arasyndaky söwdanyň möçberi ABŞ-nyň 1,759 mlrd dollaryna barabar boldy. Munuň özi bu görkezijiniň 2023-nji ýyl bilen deňeşdirilende, 75% artandygyny şöhllendirýär. Şunda BAE Türkmenistanyň iri söwda hyzmatdaşlarynyň biridir.
Umuman, bu ýerde Türkmenistan bilen BAE-niň arasyndaky köpugurly gatnaşyklar giňişleýin beýan edildi.
Täsirli çärä gatnaşyjylara şeýh Mohammed bin Raşidiň döwlet dolandyryşy boýunça sapaklaryny hem-de şahsy paýhasyny utgaşdyrýan «Meni durmuş taplady» atly kitaby bilen tanyşmak maslahat berildi.
Dabaranyň maksatnamasy resmi kabul edişlige gatnaşyjylaryň BAE-niň medeniýeti bilen tanyşmagyna mümkinçilik döretdi.
