18-20-nji sentýabr aralygynda ýurdumyzyň Garaşsyzlygynyň 34 ýyllygy mynasybetli Türkmenistanyň ykdysady üstünlikleriniň sergisi geçiriler. Munuň özi Watanymyzyň ýokary depginde ösýän milli ykdysadyýetiniň eýe bolan üstünlikleriniň hem-de mizemez kuwwatynyň aýdyň beýanyna öwrüler.
Sergi Türkmenistanyň Söwda-senagat edarasynyň binasynda geçer. Ähmiýetli gözden geçirilişe Türkmenistanyň ministrlikleri, pudaklaýyn dolandyryş edaralary, daşary ýurtlary kompaniýalary, işewürleri hem-de Türkmenistanyň Senagatçylar we telekeçiler birleşmesiniň agzalary gatnaşar.
Bu ýerde beýleki ugurlar bilen birlikde, saglyk, bilim hem sport ulgamlarynda öňdebaryjy işläp taýýarlamalary bilen tapawutlanýan kompaniýalaryň mümkinçilikleri paýtagtymyzyň ýaşaýjylaryna we myhmanlaryna hödürlener.
