Paýtagtymyzda «Ashgabat Fashion Show» ady bilen dabaraly moda görkezilişi geçirildi. Türkmenistanyň Bitaraplygynyň şanly 30 ýyllygy mynasybetli guralan bu çärede milli äheň bilen sazlaşýan egin-eşikleriň döwrebap stilleriň özboluşly utgaşmasyny döredýän nusgalary görkezildi.
Çäräniň dowamynda 10 türkmen dizaýneri we moda öýleri öz işlerini köpçülige hödürlediler. Agşamyň atmosferasy, hakykatdan hem, «jadyly» boldy: her bir lybas üçin ýörite döredilen ýaly täsir galdyrýan özboluşly sazlar dabaranyň şowhunyny has-da artdyrdy. Döwrebap biçüwdäki lybaslara salnan gadymy türkmen nagyşlary nepis kümüş şaý-sepler bilen ajaýyp sazlaşygy emele getirdi.
Şunuň bilen baglylykda, türkmen keşdeçilik sungatynyň ÝUNESKO-nyň Adamzadyň maddy däl medeni mirasynyň sanawyna girizilendigini bellemek guwandyryjydyr.
Bu şüweleňiň üstünlikli geçmegi 2023-nji ýylda ÝUNESKO-nyň Döredijilik şäherleriniň toruna «Dizaýn» derejesi boýunça girizilen Aşgabadyň ýokary halkara derejesini ýene bir ýola tassyklady.
