Angliýanyň «Aston Willa» topary Ýewropa ligasynyň final duşuşygynda Germaniýanyň «Fraýburg» toparyndan üstün çykdy. Oýun Stambuldaky «Tüpraş» stadionynda geçirildi.
Duşuşyk Birmingem şäheriniň klubynyň peýdasyna 3:0 hasabynda tamamlandy. Gollary Ýuri Tilemans (41), Emiliano Buendia (45) we Morgan Rojers (58) geçirdi.
«Aston Willa» taryhda ilkinji gezek Ýewropa ligasynyň ýeňijisi boldy. Toparyň baş tälimçisi Unai Emeri bu ýaryşda özüniň bäşinji kubogyny gazandy. Mundan ozal ispaniýaly hünärmen «Sewilýa» (üç gezek) we «Wilýarreal» klublary bilen Ýewropa ligasynda ýeňiş gazanypdy.
«Aston Willa» UEFA Kubogyny we Ýewropa ligasyny utmagy başaran altynjy iňlis kluby boldy. Mundan ozal bu ýaryşda «Tottenhem» we «Liwerpul» üç gezek, Londonyň «Çelsi» topary iki gezek, «Mançester Ýunaýted» we «Ipswiç Taun» bolsa bir gezek ýeňiji bolupdy.
Geçen möwsümde bu ýaryşyň finalynda «Mançester Ýunaýtedi» 1:0 hasabynda ýeňen «Tottenhem» kubogyň eýesi bolupdy.
