Astrahan şäherinde geçirilen V Halkara «Hazar möwsümleri» festiwalynyň çäginde Türkmenistanyň aýdym-saz medeniýetine bagyşlanan döredijilik agşamy geçirildi. «Astrahan» filarmoniýasy tarapyndan köpçülige ýetirilen konsert meýilnamasynda zehinli sazandalar maşgalasynyň — Guseýnowlaryň ajaýyp owazlary ýaňlandy.
Sahnada türkmen halk aýdymlary, meşhur filmleriň kompozisiýalary ýerine ýetirildi. Güýçli we täsirli sesi bolan opera aýdymçysy Darýa Guseýnowa wokal bölümlerini ýerine ýetirdi, onuň çykyşyna ýanýoldaşy, kompozitor Mamed Guseýnow fortepianoda goşuldy. Olaryň adatdan daşary zehinini görkezen kiçijik ogly, 11 ýaşly Dariýa Guseýnowyň çykyşy hem hemmeleri haýrana goýdy.
Agşamky meýilnamada halklaryň arasynda köpden bäri dowam edip gelýän dostlugy we umumy ruhy gymmatlyklary nygtaýan çykyşlar hem mynasyp ornuny tapdy. Konsert bu gyzgyn medeni alyş-çalşygyň nyşanyna öwrülen «Aşyr aganyň hötjetligi» filmindäki ajaýyp kompozisiýa bilen tamamlandy.
Ýokary derejede geçen konsert hoşniýetli gatnaşyklary berkitmekde medeni hyzmatdaşlygyň ähmiýetini ýene bir gezek tassyklady.
