Azerbaýjanyň Aşgabatdaky ilçihanasy 6 — 12-nji dekabr aralygynda Türkmenistanda geçiriljek Daşary ýurt dramasynyň hepdeliginiň çäginde beýik azerbaýjan kompozitory Uzeýir Gajybeýliniň birnäçe eserleriniň türkmen sahnalarynda hödürlenjekdigini habar berdi.
Aşgabadyň Beýik Saparmyrat Türkmenbaşy adyndaky Baş drama teatrynda kompozitoryň 1910-njy ýylda döreden «Är-aýal» operettasy boýunça goýlan ýörite sahna görkeziler. Sahnanyň görkezilişi iňlis we rus dillerinäki sinhron terjime bilen utgaşdyrylar.
Mundan başga-da, A.S.Puşkin adyndaky Rus drama teatrynda kompozitoryň 1913-nji ýylda döreden «Arşin mal alan» operettasynyň esasynda taýýarlanan adybir spektakl tomaşaçylara hödürlener.
Myhmanlar «Hemişelik Bitaraplyk — halklaryň dostlugynyň binýady» şygary astynda geçiriljek hepdeligiň dowamynda amerikan, fransuz, italýan, rus, gruzin, azerbaýjan, tatar, gyrgyz dramaturglarynyň eserleriniň esasynda goýlan spektakllara tomaşa edip bilerler.
