24-nji dekabrda basketbol boýunça erkekleriň arasyndaky Türkmenistanyň Kubogy başlandy. Häzir ýaryşyň toprçadaky tapgyry dowam edýär.
Gyzgalaňly geçýän ýaryşa 8 topar gatnaşýar. «Talyp sporty», «Aşgabat», «Daşoguz», «Maliýe» «Lebap, «Merkezi goşun sport kluby», «Galkan» we «Binagär» toparlary ýeňiş ugrunda basketbol meýdançasyna çykýarlar.
Kubogyň iň dartgynly duşuşyklary öňde. 28-nji dekabrda ýaryşyň jemleýji duşuşyklary guralar. Şol gün 11:00-da üçünji orun ugrundaky duşuşyk geçiriler. 13:00-da bolsa final duşuşyk guralar.
Türkmenistanyň Basketbol federasiýasy sportuň bu görnüşiniň muşdaklaryny Türkmen döwlet bedenterbiýe we sport institutynda geçjek jemleýji oýunlara janköýerlik etmäge çagyrýar.