15-nji sentýabrda Tokioda geçýän ýeňil atletika boýunça dünýä çempionatynda şwesiýaly syrykly böküji Arman Dýuplantis 6,30 m beýiklikden böküp, karýerasynda 14-nji dünýä rekordyny goýdy.
Şeýlelik bilen, Arman Dýuplantis awgustda Budapeştdäki «Memorial Iştwan Dýulaý» ýaryşynda goýan öňki rekordyny (6,29 m) täzeledi. 25 ýaşly Dýuplantis bu beýiklikden bökmegi üçünji synanyşygynda başardy. Ol üç gezek dünýäniň, iki gezek bolsa olimpiýa çempionydyr (2021, 2024). Mundan başga-da, ol üç gezek Ýewropa çempiony boldy.
Gresiýaly Emmanuil Karalis bu çempionatda alty metrlik belentlikden geçip, ikinji orna mynasyp boldy. Awstraliýaly Kýortis Marşall bolsa 5,95 m görkeziji bilen bürünç medala mynasyp boldy.
