2–4-nji iýul aralygynda Stambulda (Türkiýe) «CF Istanbul 2026» atly iri halkara gurluşyk sergisi geçiriler. Bu çäre gurluşykçylar, taslamaçylar, binagärler, öndürijiler we gurluşyk pudagyny lomaý üpjünçiler üçin ählumumy aragatnaşyk meýdançasy bolar.
Serginiň ekspozisiýasy pudagyň esasy ugurlaryny öz içine alar:
Öňdebaryjy gurluşyk tehnologiýalary, materiallary, konstruksiýalary we ýörite tehnikalary;
Umumy maksatly inženerçilik ulgamlary (HVAC — ýyladyş, sowadyş hem-de howalandyryş, suw üpjünçiligi we elektrotehnika);
Binalar üçin intellektual çözgütler («akylly öý» ulgamy);
Içki bezeg materiallary, penjire we gapy ulgamlary;
Şäher düzümini abadanlaşdyrmak üçin çözgütler.
Wekiller üçin Baýer maksatnamasynyň ýeňillikleri
Serginiň guramaçylyk komiteti Baýer maksatnamasyna hasaba alyşyň başlanandygyny yglan etdi. Oňa resmi wekiller, distribýutorlar, gurluşyk kompaniýalary, taslama guramalary we lomaý alyjylar çagyrylýar.
Maksatnamanyň tassyklanan gatnaşyjylaryna guramaçylar tarapyndan aşakda bellenen mümkinçilikler hödürlenilýär:
Serginiň geçirilýän ähli günleri üçin mugt giriş petegi;
Öndürijiler bilen ýörite B2B (işewürlik) duşuşyklaryna gatnaşmak mümkinçiligi;
Stambulyň myhmanhanalarynyň birinde 2 gije mugt galmak.
Ýüz tutmalary bermegiň tertibi
Täze hyzmatdaşlary gözlemäge we döwrebap gurluşyk çözgütlerini satyn almaga isleg bildirýän Türkmenistanyň guramalary öz anketalaryny 2026-njy ýylyň 20-nji iýunyna çenli iberip bilerler.
Ýüztutmada aşakdakylar görkezilmelidir:
Kompaniýanyň resmi ady we iş ugry;
Iberilýän wekiliň ady, familiýasy, atasynyň ady we wezipesi;
Habarlaşmak üçin göni aragatnaşyk ulgamlary (telefon, e-mail).
Baýer maksatnamasynyň çäklerinde mugt ýaşamak üçin orunlaryň sany çäklidir.
Utgaşdyrmak we ýüztutmalary bermek üçin aragatnaşyk ulgamlary:
Resmi saýt: https://cfistanbul.com/
Telefon: +99365815205
E-mail: turkmenistan@netorganization.net
