Döwlet Baştutanymyz Türkmenistanyň Kanuny bilen tassyklanylan Türkmenistanyň Administratiw hukuk bozulmalary hakynda kodeksine üýtgetmeleri we goşmaçalary gizizmek hakyndaky resminama gol çekdi. Täze kadalar 2026-njy ýylyň 1-nji maýyndan güýje girýär.
Administratiw hukuk bozulmalary hakynda kodeksiň 222-nji maddasy boýunça esasy üýtgetmeler:
Sürüjilik ruluny serhoş adama bermek: jerime 6-dan 10 binýatlyk ululyga çenli ýokarlandyryldy.
Ulagy dolandyrmaga hukuk berýän resminamasyz ýagdaýda serhoşlykda awtoulagy sürmek: iň az jerime 7-den 12 binýatlyk ululyga çenli ýokarlandy (iň ýokary çägi — 15 binýatlyk ululygy).
Gaýtalanan düzgüni bozmak (ulagy dolandyrmaga hukuk beriji resminamasyz): iň pes çäk 8-den 17 binýatlyk ululyga çenli ýokarlandy.
Wezipeli şahslar üçin: serhoş sürüjiniň gatnawa goýberilendigi üçin jerime hem indi anyk kesgitlenildi — 5 binýatlyk ululygy (ozal 1–3 aralygyndady).
Serhoş ýagdaýda ulag dolandyrylandygy üçin sürüjilik şahadatnamasyndan mahrum etmek möhletleri we administratiw tussaglyk çäreleri üýtgedilmedi.
Administratiw hukuk bozulmalary hakynda kodeksiň 228-nji maddasy boýunça jerimeler hem täzelendi. Esasy jerimeler:
Resminamalaryň ýanyňda bolmazlygy: sürüjilik şahadatnamasy ýa-da ynanç haty ýok bolsa, jerime iki esse artýar (1 binýatlyk ululyga çenli).
Ulagy ynanç hatysyz dolandyrmak: 2–3 binýatlyk ululygy möçberinde jerime girizildi.
Sürüjilik şahadatnamasyz ulag sürmek: sürüjilik hukugy bolmadyk şahslar üçin jerime 5–8 binýatlyk ululyga çenli ýokarlandy.
Ruly bermek: sürüjilik hukugy bolmadyk adama ulag dolandyrmaga rugsat berendigi üçin jerime 6 binýatlyk ululygynda bolar.
Maddanyň üsti täze bölüm bilen ýetirildi: möhleti geçen sürüjilik şahadatnamasy ýa-da wagtlaýyn rugsatnama bilen ulag dolandyrylan ýagdaýynda 3–5 binýatlyk ululygy möçberinde jerime bellenilýär.
Mundan başga-da, 1-nji maýdan başlap howpsuzlyk kemerini dakynmazlyk üçin 1 binýatlyk ululygy möçberinde jerime bellener.
1 binýatlyk ululygynyň 100 manada barabardygyny ýatladýarys.
Ýollarda seresap boluň!
