Türkmenistanyň boks boýunça ýaşlar we ýetginjekler ýygyndy toparynyň agzalary Ispaniýanyň Alikante welaýatynyň La Nusiýa şäherinde geçirilen «Boxam International Tournament 2026» halkara ýaryşynda üstünlikli çykyş edip, jemi 10 medal gazanmagyň hötdesinden geldiler.
Dünýäniň 21 döwletinden 246 türgeni jemlän ýaryşda Türkmenistanyň ýygyndysynyň wekilleri 15, 17 we 19 ýaş toparlarynda bäsleşdiler Türkmen toparyna 17 boksçy wekilçilik etdi.
Şunlukda, ildeşlerimiz 3 altyn, 3 kümüş we 4 bürünç medallara eýe çykdylar.
Altyn medal gazananlar:
Arslan Rejepow — U15, 44 kg
Ýunus Maşaripow — U17, 66 kg
Muhammetşarip Maşaripow — U17, 75 kg
Kümüş medal gazananlar:
Rustam Bahramow — U15, 46 kg
Samir Saburow — U17, 80 kg
Atabek Hojaýew — U17, 52 kg
Bürünç medal gazananlar:
Ysmaýyl Mollaýew — U17, 46 kg
Ýazgeldi Amanmedow — U19, 60 kg
Ysmaýyl Orazmyradow — U19, 80 kg
Ezbermuhammet Myratdurdyýew — U17, 63 kg
Türkmenistanyň ýygyndysy uly üstünlikleriň ýene birine eýe boldy. Ildeşimiz Ýunus Maşaripow 17 ýaşa çenli türgenleriň arasynda «Ýaryşyň iň gowy boksçysy» diýen abraýly ada mynasyp hasaplanyldy.
Bu üstünlik Türkmenistanyň ýaş boksçylarynyň halkara arenasyndaky orunlaryny pugtalandyrýandyklaryny tassyklaýar.
