29-njy awgust — 8-nji sentýabr aralygynda iki şäherde — Duşenbe (Täjigistan) hem-de Daşkent (Özbegistan) şäherlerinde geçirilen CAFA Milletler Kubogy 2025-iň ýeňijisi Özbegistanyň milli ýygyndysy boldy. 8-nji sentýabrda Özbegistanyň paýtagty Daşkent şäherindäki «Jar» stadionynda 120 minut dowam eden final duşuşygynyň ahyrky minutlarda geçiren goly Özbegistanyň milli ýygyndysynyň Kubogyň eýesi hökmünde belli alynmagyna getirdi.
Eýranyň milli ýygyndysy duşuşygyň 5-nji minudyndan oýny 10 futbolçy bilen dowam etdirmeli boldy. Finalyň ýeke-täk goluny 120-nji minutda Hojiakbar Alijonow geçirdi we ýaryşyň «iň gowy oýunçysy» adyna mynasyp görüldi.
Eýranyň düzüminden Saidpayyam Niyazmand ýaryşyň iň gowy derwezeçisi boldy.
Üçünji orun ugrundaky duşuşyk hem 8-nji sentýabrda «Hisor» merkezi stadionynda Hindistanyň we Omanyň ýygyndylarynyň arasynda geçirildi. Duşuşygyň esasy wagty 1:1 tamamlandy. 11 metrlik urgularyň esasynda Omany 3:2 hasabynda ýeňen Hindistanyň milli ýygyndysy bürünç medalyň eýesi boldy.
