7–9-njy sentýabr aralygynda Dubaýyň halkara söwda merkezinde «AIM Congress 2026» atly XV kongres geçirildi. 191 döwletden we halkara guramalaryndan wekilleri bir ýere jemlän forum durnukly we inklýuziw ykdysady ösüşi üpjün etmek üçin maýa goýumlary çekmegiň täze ugurlaryny gözlemäge bagyşlandy.
Milli wekiliýete ýurduň Birleşen Arap Emirliklerindäki Adatdan daşary we Doly ygtyýarly ilçisi ýolbaşçylyk etdi. Wekiliýetiň düzümine Türkmenistanyň Maliýe we ykdysadyýet ministrliginiň, Senagat we gurluşyk önümçiligi ministrliginiň, şeýle hem Daşary ykdysady döwlet bankynyň işgärleri girdi.
Kongresiň maksatnamasynyň çäklerinde Türkmenistanyň wekiliýeti esasy tematik mejlislere, ministrleriň maýa goýumlar boýunça tegelek stoluna we erkin ykdysady zolaklary ösdürmek meselelerine bagyşlanan ara alyp maslahatlaşmalara gatnaşdy. BMG-niň Aziýa we Ýuwaş ummany üçin Ykdysady we durmuş komissiýasy (ESCAP) bilen hyzmatdaşlykda Merkezi Aziýanyň ykdysady we maýa goýum mümkinçiliklerine bagyşlanan ýörite panel maslahatlaşmalary geçirildi.
Kongresiň çäklerinde Türkmenistanyň wekilleri halkara maliýe institutlarynyň, maýa goýum agentlikleriniň ýolbaşçylary hem-de daşary ýurt kompaniýalarynyň wekilleri bilen birnäçe ikitaraplaýyn duşuşyklary geçirdiler. Şeýle hem olar degişli ugur boýunça sergi ekspozisiýasy bilen tanyşdylar.
