«Ahal» futbol kluby 2025/2026 futbol möwsüminde AFK-2 Çempionlar ligasyndaky öz meýdanyndaky ähli duşuşyklaryny Arkadag şäherindäki 10 müň orunluk stadionda geçirer. Bu barada Türkmenistanyň Futbol federasiýasy habar berýär.
Aziýanyň ikinji derejeli ýaryşynyň toparlaýyn tapgyrynda «Ahalyň» garşydaşlary hökmünde Hindistanyň «Mohun Bagan», Iordaniýanyň «Al-Hussein» we Eýranyň «Sepahan» toparlary çykyş eder.
Toparçalaýyn tapgyr 16-njy sentýabrdan 24-nji dekabra çenli dowam eder. Her topar üç duşuşygy öz meýdanynda, üçüsini bolsa myhmançylykda geçirer. Her toparçada birinji we ikinji orny eýelän klublar ýaryşyň pleý-off tapgyryna çykmaga hukuk gazanar.
«Ahal» futbol klubunyň oýunlarynyň tertibi:
1-nji tapgyr — 16-njy sentýabr (sişenbe)
19:15 — «Mohun Bagan» (Hindistan) – «Ahal»
2-nji tapgyr — 30-njy sentýabr (sişenbe)
18:45 — «Ahal» – «Al-Hussein» (Iordaniýa)
3-nji tapgyr — 21-nji oktýabr (sişenbe)
18:45 — «Ahal» – «Sepahan» (Eýran)
4-nji tapgyr — 4-nji noýabr (sişenbe)
19:30 — «Sepahan» – «Ahal»
5-nji tapgyr — 25-nji noýabr (sişenbe)
18:45 — «Ahal» – «Mohun Bagan»
6-njy tapgyr — 23-nji dekabr (sişenbe)
16:45 — «Al-Hussein» – «Ahal».
