Geçen agşam — 2-nji iýula geçilen gijede 2026-njy ýylyň futbol boýunça dünýä çempionatynyň 1/16 finalynyň birnäçe duşuşygy geçirildi. «Milli-info.com» saýty pleý-off tapgyrynyň oýunlarynyň netijelerini hödürleýär.
Dünýä çempionatynyň 2-nji iýula geçilen gije bolan oýunlarynyň netijeleri:
Angliýa — Kongo DR — 2:1;
Belgiýa — Senegal — 3:2 (goşmaça wagtda);
ABŞ — Bosniýa we Gersegowina — 2:0.
Iň gyzykly oýun Angliýa bilen Kongo Demokratik Respublikasynyň arasyndaky duşuşyk bolup, dubl etmegiň hötdesinden gelen iňlisleriň hüjümçisi Garri Keýn öz milli ýygyndysyny 1/8 finala çykardy. Ol ýygyndynyň taryhyndaky iň netijeli oýunçylaryň sanawynda dokuzynjy basgançaga galdy. Indi Keýniň Dünýä çempionaty – 2026-daky hasabynda 5 gol bolup, ol netijeliligi boýunça Messi bilen Mbappeden bary-ýogy bir top yza galýar.
ABŞ-nyň Bosniýa we Gersegowinany ýeňmegi bolsa bolsa çempionatyň ýer eýeleriniň üçüsiniň hem 1/8 finalda çykyş etjekdigini mälim etdi.
