Dünýä çempionaty 2026-nyň toparçalaryndaky ikinji duşuşyklar tamamlandy. Iki tapgyrdan soň diňe ýedi milli ýygyndy oýunlarynyň ikisinde-de ýeňiş gazandy.
Bu sanawa Meksika (GAR bilen 2:0 we Koreýa Respublikasy bilen 1:0), ABŞ (Paragwaý bilen 4:1 we Awstraliýa bilen 2:0), Germaniýa (Kýurasao bilen 7:1 we Kot-d’Iwuar bilen 2:1), Fransiýa (Senegal bilen 3:1 we Yrak bilen 3:0), Norwegiýa (Yrak bilen 4:1 we Senegal bilen 3:2) hem-de Argentina (Alžir bilen 3:0 we Awstriýa bilen 2:0) girdiler. Şu gün Kongo Demokratik Respublikasyndan üstün çykan Kolumbiýa hem olara goşuldy (olar mundan ozal Özbegistany 3:1 hasabynda ýeňipdiler).
Dünýä çempionatyna gatnaşýan sekiz ýygyndy bolsa iki tapgyryň dowamynda hiç hili utuk toplap bilmediler: bular Türkiýe, Gaiti, Tunis, Senegal, Yrak, Özbegistan, Iordaniýa we Panama.
Türkiýe, Tunis, Gaiti, Iordaniýa we Panama eýýäm pleý-off tapgyryna çykmak mümkinçiliginden mahrum boldular. Bu ýygyndylaryň galanlary bolsa heniz toparçada üçünji orny eýelän iň netijeli toparlaryň hatarynda indiki tapgyra çykmak mümkinçiligini özlerinde saklap galýarlar.
