10-njy maýda, ýekşenbe güni Ispaniýanyň çempionatynyň 35-nji tapgyrynyň merkezi duşuşygynda «Barselona» öz meýdançasynda Madridiň «Realyny» kabul eder.
Möhüm oýun Barselonadaky täzelenen «Kamp-Nou» stadionynda bolar. Futbol janköýerleri bu duşuşyga «Матч ТВ» we «МАТЧ! Футбол 2» teleýaýlymlary arkaly tomaşa edip bilerler. Göni ýaýlym Aşgabat wagty bilen sagat 23:55-de başlanar.
Möwsümiň tamamlanmagyna dört tapgyr galanda, «Barselona» 88 utuk bilen ýaryş tertibinde birinji orunda barýar we özüniň esasy bäsdeşi «Realdan» 11 utuk öňe saýlanmagy başardy.
Şeýlelikde, eger «Barselona» şu gezekki «El-Klassikoda» ýeňiş gazansa ýa-da iň bolmanda deňlik bilen tamamlamagy başarsa, Ispaniýanyň çempiony diýen ady möhletinden öň gazanar.
