Geljek anna güni — 20-nji martda Aşgabadyň «Berkarar» söwda we dynç alyş merkezi sport meýdançasyna öwrüler.
Türkmenistanyň Tennis federasiýasy bu ýerde ähli isleg bildirýänler üçin ussatlyk sapagyny guraýar. Çäräniň maksady sportuň olimpiýa görnüşini we işjeň durmuş ýörelgesini wagyz etmekden ybaratdyr.
Çäräniň maksatnamasy:
Raketkanyň alty ussadynyň gatnaşmagynda görkezme oýny;
Tennisiň esasy tilsimleriniň we professional syrlarynyň görkezilmegi;
Tejribeli tälimçiniň ýolbaşçylygynda açyk ussatlyk sapagy;
Söwda merkeziniň her bir myhmany taýýarlanylan korta çykyp, raketkany eline alyp, kortda öz ukybyny synap biler.
Çäräni geçirmek üçin göçme tor gurlar we ähli zerur sport enjamlary üpjün ediler. Guramaçylaryň bellemegine görä, şeýle çäreler ýaşlary sport bilen yzygiderli meşgullanmaga çekmäge täsirini ýetirýär we uly tennisi giň köpçülik üçin elýeterli edýär.
Paýtagtymyzyň merkezinde sport ruhuna eýe bolmak we uly tennisiň dünýäsini açmak üçin bütin maşgala bolup geliň!
Ussatlyk sapagynyň geçiriljek wagty: sagat 19:00-dan 22:00-a çenli.
