Şu gün — 23-nji noýabrda «Formula-1-iň» 2025-nji ýyldaky möwsüminiň 22-nji tapgyrynyň ýaryşy — Las-Wegas Gran-prisi geçirildi. Şeýlelikde, Maks Ferstappen («Red Bull») birinji orny eýeledi. Lando Norris («Maklaren») ikinji ýere eýe çyksa, Jorja Rassel («Merсedes») üçünji orna mynasyp boldy.
Ferstappen eýýäm ýaryşyň başynda — Norrisiň birinji öwrümde ýalňyşlyga ýol bermeginden soň öňe geçmegiň hötdesinden geldi. Şol pursat britaniýaly sürüji Rasseli goýberdi. Muňa garamazdan, pit-stoplaryň ýeke-täk tapgyry tamamlananyndan soň, oňa gaýtadan öňe geçmek başartdy.
Pellehanadan soň öňdäki onlugyň sanawy:
4. Oskar Piastri (Awstraliýa, «Maklaren»),
5. Andrea Kimi Antonelli (Italiýa, «Merсedes»),
6. Şarl Lekler (Monako, «Ferrari»),
7. Karlos Sans (Ispaniýa, «Uilýams»),
8. Isak Hajar (Fransiýa; «RB»),
9. Niko Hýulkenberg (Germaniýa, «Kik Zauber»),
10. Lýuis Hemilton (Beýik Britaniýa; «Ferrari»).
«Formula-1» möwsüminiň ahyrky tapgyrynyň öňüsyrasyndaky ýaryşy 28—30-njy noýabrda Katarda geçiriler.
