Häzirki wagtda paýtagtymyzdaky «Köpetdag» stadionynda «C» derejeli tälimçileri taýýarlaýan okuw sapaklary dowam edýär. Türkmenistanyň Futbol federasiýasynyň resmi saýtynyň žurnalisti bu okuw sapaklaryna gözegçilik etmek üçin Watanymyza gelen FIFA-nyň tehniki eksperti Swetlana Kaşuba türkmen futbolynyň geljegi hem-de ýurdumyzyň sport infrastruktutrasy hakyndaky sowallary bilen ýüzlendi. Bu söhbetdeşlik TFF-niň resmi saýtynda futbol muşdaklaryna ýetirildi:
– Türkmenistana ilkinji gezek gelişiňizmi?
– Hawa, ilkinji gezek Türkmenistanda bolýaryn.– Näme sebäpden futboly saýladyňyz?
– Men futboly söýýän, şonuň üçin hem, futbol bilen baglanyşykly hünäri saýladym. Men uzak wagt bäri futbolyň içinde.– Aşgabatda sportda ýa-da beýleki ugurlar boýunça nämeler sizi haýran galdyrdy?
– Oňat infrastruktura we uly stadionlaryň bolmagy haýran galdyrdy.– Türkmenistanda futbolyň ösüşine nähili baha berýärsiňiz?
– Soňky wagtlar Türkmenistanda futbolyň ösüşi anyk duýulýar, sebäbi futbolyň dolandyrylyşynda tejribeli hünärmenler işleýär.– Futbol eksperti hökmünde siz türkmen futbolynyň geljegini nähili görýäňiz?
– Türkmenistanda futbolyň geljeginiň uldygyny aýdyp bilerin. Has uly üstünlikler üçin bolsa heniz wagt gerek.
– Türkmenistanly ýaş futbolçulara, tälimçilere nämeleri maslahat bermek isleýärsiňiz!?
– Futboly söýüň, türgenleşiklerden ýadamaň, fiziki taýdan kämil boluň we bu jadyly oýundan lezzet alyň! Ana, şonda üstünlik size ýaran bolar.
– Sowallarymyza beren jogaplaryňyz üçin köp sag boluň, işiňizde üstünlik arzuw edýäris!
– Sag boluň!