Halkara futbol federasiýasynyň (FIFA) metbugat gullugy 2026-njy ýylda geçiriljek dünýä çempionatyna bagyşlanan täze poster (suratly diwarlyk) sosial ulgamlarda çap etdi.
FIFA ilkibaşda hödürlän posterinde Portugaliýanyň milli ýygyndysyny ýarymgoragçy Bruno Fernandeşiň şekili arkaly görkezdi. Şol bir wagtyň özünde hem bu ýerde Ronaldunyň şekiliniň bolmazlygy janköýerlerde nägilelik döredipdi we olar guramany tankytlamaga başlapdylar. Netijede, FIFA ol posteri täzeledi.
2026-njy ýylyň tomsunda geçiriljek dünýä birinjiliginiň duşuşyklary üç ýurduň — Amerikanyň Birleşen Ştatlarynyň, Kanadanyň hem-de Meksikanyň çäginde ýaýbaňlandyrylar.
