5-nji noýabrda «Arkadag» futbol kluby Aziýanyň Çempionlar ligasy - 2 ýaryşynyñ dördünji tapgyrynyň çäginde Kataryñ «Al-Ahli» toparyny kabul etdi. Arkadag şäheriniň «Arkadag» stadionynda geçirilen oýun 1:1 hasabynda tamamlandy.
Oýundaky ilkinji goly myhmanlar geçirdiler. 23-nji minutda hüjümçi Wlap tapawutlandy. Ýöne myhmanlaryň şatlygy uzak dowam etmedi. Olaryň golundan üç minut geçensoň «Arkadag» klubynyň goragçysy Arzuwguly Sapargulyýewyñ meýdançanyñ sag ganatyndan üstaşyr geçiren topyny garşydaş toparyñ goragçysy Mitrowiç öz derwezesinden geçirdi. Şeýlelikde, deňlik üpjün edildi — 1:1.
Ikinji ýarymda hiç kime oýnuň netijesini üýtgetmek başartmady.
Indiki tapgyrda «Arkadag» kluby myhmançylykda Özbegistanyñ «Andijon» topary bilen duşuşar. Bu oýun 26-njy noýabrda geçiriler.
