«Formula-1» boýunça Hytaýyň 2026-njy ýyldaky Gran-prisi geçirildi. Ýaryşda «Mersedesiň» sürüjisi Kimi Antonelli ýeňiş gazandy, bu onuň karýerasyndaky ilkinji ýeňşidir. Emma «Ferrariniň» sürüjisi Lýuis Hemiltonyň görkezen netijesi aýratyn ünsi çekdi.
Ýedi gezek dünýä çempiony «Mersedesde» geçiren 12 ýylyndan soň «Skuderiýa» geçipdi. Onuň ilkinji ýylynda bir gezek hem münbere çykyp bilmändi, britaniýaly sürüji hatda «Ferrariniň» taryhynda münbere çykmazdan, geçirilen ýaryşlaryň sany boýunça antirekord goýdy.
Şowsuz tapgyr 2026-njy ýylyň Awstraliýa Gran-prisinde hem dowam etdi: şol ýerde hem topar strategiki taýdan ýalňyşlyk goýberdi, netijede topardaşy ondan az-kem öňe geçdi. Bu gezek Hemilton özüni görkezmegi başardy we 2024-nji ýylyň Las-Wegas ýaryşyndan bäri ilkinji gezek münbere çykdy.
Bu netije Hemiltonyň karýerasyndaky 203-nji münbere çykyş hökmünde bellige alyndy we şeýle görkeziji onuň «Formula-1-däki» şahsy rekordyny täzeledi.
Formula-1. Hytaýyň Gran-prisi (öňdäki 10 orun)
1. Andrea Kimi Antonelli («Mersedes») — 56 aýlaw.
2. Jorj Rassel («Mersedes») +5.515.
3. Lýuis Hemilton («Ferrari») +25.267.
4. Şarl Lekler («Ferrari») +28.894.
5. Oliwer Berman («Haas») +57.268.
6. Pýer Gasli («Alpin») +59.647.
7. Liam Louson («Reýsing Bullz») +1:20.588.
8. Isak Hadžar («Red Bull») +1:27.247.
9. Karlos Saýns («Uilýams») +1 aýlaw.
10. Franko Kolapinto («Alpin») +1 aýlaw.
