28-nji oktýabrda Magtymguly adyndaky milli sazly-drama teatrynda «Parahatçylygyň we umytlaryň sazy» diýen simwoliki at bilen gala-konsert geçiriler. Ol Birleşen Milletler Guramasynyň döredilmeginiň 80 ýyllygyna bagyşlanar.
Bu ýerde size Türkmenistanyň at gazanan artisti Rasul Klyçewiň ýolbaşçylygynda Döwlet simwoniki orkestriniň ýerine ýetirmeginde hödürlenjek ajaýyp konsert maksatnamasy garaşýar. Ol 16:30-da başlanar. Giriş tölegsiz bolar.
Röwşen geljegiň hatyrasyna parahatçylygyň owazy bolup ýaňlanjak sazyň güýjünden lezzet almak mümkinçiligini elden bermäň!
