Bäsleşik Gazagystan Respublikasynyň Astana şäherinde geçirilen «GDA-nyň iň gowy talyby» atly halkara bäsleşige internet arkaly gatnaşan ildeşimiz Guwanç Merdanow uly üstünlige eýe boldy. Ol Gazagystanyň «Bilim Orkenieti» milli innowasion ylmy-gözleg merkezi bilen «Žana Gazagystan» respublikan innowasion merkezi tarapyndan guraldy.
Şunlukda, bäsleşige sanly ulgam arkaly gatnaşan türkmen talyby — Myrat Garryýew adyndaky Türkmenistanyň Döwlet lukmançylyk uniwersitetiniň kesel bejeriş fakultetiniň bejeriş işi hünäriniň 2-nji ýyl talyby Guwanç Merdanow I derejeli diploma, ýörite döşe dakylýan nyşana, «GDA-nyň iň gowy talyby» diýen ady tassyklaýan şahadatnama hem-de Kuboga mynasyp boldy.
Onuň ýolbaşçysynyň uniwersitetiň medisina ekologiýasy we gigiýena kafedrasynyň mugallymy Gülnar Gulgeldiýewadygyny ýatladýarys.
Bu üstünlik türkmen ýaşlarynyň biliminiň we zehininiň halkara derejesinde ykrar edýändiginiň nobatdaky subutnamasydyr.
