Ýaponiýanyň Türkmenistandaky ilçihanasy 1970-nji ýyldaky «Expo» Bütindünýä sergisiniň gaznasyndan (JEC Fund) täze grant bäsleşiginiň başlanýandygyny yglan edýär.
Arzalar 2026-njy ýylyň 1—30-nji sentýabry aralygynda kabul edilýär. 2027-nji maliýe ýyly üçin maksatnamanyň umumy býujeti, takmynan, 135 million iene ýeter, şunda aýratyn bir taslama üçin 5 million iene çenli serişde alyp bolar.
Maliýeleşdirme döwlet düzümleri, ýerli häkimiýet edaralary we täjirçilik bolmadyk jemgyýetçilik ähmiýetli guramalar üçin niýetlenendir (hususy şahslaryň we täjirçilik telekeçilik düzümleriniň gatnaşmagyna ýol berilmeýär). Bäsleşik halkara hyzmatdaşlygy pugtalandyrmaga ýardam berýän medeni alyş-çalyş, bilim we ylmy barlaglar ulgamyndaky taslamalary goldamagy öz içine alýar.
Gatnaşmagyň şertleri bilen has jikme-jik tanyşmak üçin şu çeşmeden peýdalanyp bilersiňiz.
Osakadaky taryhy sergiden alnan girdejileriň hasabyna döredilen «JEC Fund» gaznasy eýýäm ýarym asyr bäri halklaryň arasyndaky dostlugy we özara düşünişmegi pugtalandyrmaga ýardam berip gelýär.
