2025-nji ýylyň Bütindünýä emeli intellekt maslahatynda (WAIC) hödürlenen maglumata görä, Hytaý şu güne çenli 1509 uly göwrümli emeli intellekt (AI) dil modelini çykarypdyr. Munuň özi dünýäde iň ýokary görkezijidir. Elbetde, görkeziji şu günki bütin dünýäde çykarylan 3755 modeliň möhüm böleginiň Hytaý Halk Respublikasyna degişlidigini tassyklaýar.
Hytaýyň Maglumat we aragatnaşyk tehnologiýasy akademiýasynyň (CAICT) berýän maglumatlaryna görä, ýurtda 5100-den gowrak emeli intellekt tehnologiýasy bilen meşgullanýan kompaniýa hasaba alnypdyr we munuň özi dünýädäki şeýle kompaniýalaryň umumy mukdarynyň 15 %-ini emele getirýär. Şol bir wagtyň özünde bolsa emeli intellekt tehnologiýasynyň girdejileri ýurduň umumy senagatynyň takmynan 70 %-ini tutýar.
Hytaýda AI tehnologiýasyny durmuşa geçirmegiň esasy ugurlary awtonom hereketlendiriji ulgamlary, akylly robotlar, işewür aňtaw programmalary we hasaplaýyş çipleri bolup durýar.
