1812-nji ýyl. Jordž Baýronyň "Çaild-Garoldyň syýahaty" poemasynyň birinji iki baby çap edilýär. «Men bir gün irden ukudan oýandym we eýýäm meşhurdygymy bilip aldym» diýip, ol soňra ýazar.
1889-njy ýyl. Kanzas-Siti şäherinden (Missuri ştaty) bolan amerikaly telekeçi Elmon Braun Stroujer awtomatik telefon stansiýasyny ilkinji bolup patentleşdirýär we munuň bilen «ähli ATS-leriň atasy» diýen derejä eýe bolýar.
1905-nji ýyl. Londonda «Çelsi» futbol kluby esaslandyrylýar.
1922-nji ýyl. Russiýanyň paýtagtyndaky iň iri bölekleýin söwda kärhanalarynyň biri bolan SUM-yň (Merkezi uniwersal dükanyň) açylyşy bolýar. Ol Moskwanyň merkezinde, Gyzyl meýdançanyň we Uly teatryň golaýynda ýerleşýär.
1940-njy ýyl. Prozaçy ýazyjy, dramaturg, teatr režissýory we aktýor Mihail Bulgakow aradan çykdy.
1996-njy ýyl. Kubaly Fransisko Ferreras ýörite enjamlary ulanmazdan, çuňluga çümmek boýunça rekord (130 metr) goýýar.
1966-njy ýyl. Ahal welaýatynyň Derweze etrabynyň Diňli obasynda şahyr Çary Ýegenmyradow dünýä indi. Ol öz goşgularynda Watanymyzy, onuň ümmülmez sähra-ýaýlasyny, tebigatyň şol gözellikleri ýaly sada hem göwnaçyk adamlaryny wasp etdi.
