1908-nji ýyl. Nýu-Ýorkuň Taýms-skwer meýdançasyndan Ýer şarynyň daşyndan aýlanmaly bolan ilkinji awtoulag ýaryşyna badalga berildi. Bu ýaryşa Amerika, Fransiýa, Italiýa we Germaniýa ýaly ýurtlardan jemi dokuz awtoulag gatnaşdy.
1917-nji ýyl. Angliýanyň hökümeti resmi taýdan zenanlaryň taksi sürüjisi bolup işlemegine rugsat berdi.
1924-nji ýyl. Tapylmagyndan 15 aý geçensoň Faraon Tutanhomonyň mumiýasy onuň aramgähindan çykaryldy.
1941-nji ýyl. Penissillin ilkinji gezek hassalary bejermekde üstünlikli ulanyldy.
1943-nji ýyl. Meksikanyň mekgejöwen meýdanynda Pari-Kutin wulkany emele geldi. Ol 1946-njy ýyla çenli 518 metr beýiklige ýetdi.
1946-njy ýyl. Uinston Çerçill ilkinji gezek «No comment» , ýagny «Hiç hili düşündiriş ýok» diýen jümläni ulandy. Soňra bu jümle syýasatçylaryň iň söýgüli jümlesine öwrüldi.
1947-nji ýyl. Sihote-Alin daglaryna (Uzak Gündogar, Ýapon deňziniň kenary) adamzat taryhynda mälim bolan iň uly demir meteoriti gaçdy. Ol atmosferada böleklere bölünip, 35 inedördül kilometr meýdana «demir ýagşy» bolup ýagdy.
