1312-nji ýyl. Fransiýanyň koroly Filip IV-iň talap etmegi esasynda Rim Papasy Kliment V tamplierleriň katolik ruhy-rysarlyk ordenini ýatyrdy. Ordeniň Ýewropadaky ähli emläkleri beýleki ybadathana ordenlerine geçirildi ýa-da döwletiň haýryna geçirildi.
1675-nji ýyl. Angliýanyň patyşasy Karl II Grinwiçdäki Korollyk obserwatoriýasyny esaslandyrdy. Bu obserwatoriýanyň üstünden geçýän meridian iňlis deňizçileri tarapyndan başlangyç nokat hökmünde kabul edildi.
1888-nji ýyl. Şu gün Londonda ýygnanan on iki futbol klubynyň wekilleri Angliýanyň futbol ligasyny döretdiler.
1904-nji ýyl. «Illýustreýted Mirror» gazetinde dünýäde ilkinji gezek reňkli surat çap edildi.
1935-nji ýyl. Pars döwleti resmi taýdan öz adyny Eýran diýip üýtgetdi. Ol 1979-njy ýylyň Yslam rewolýusiýasyndan soň Eýran Yslam Respublikasy diýlip yglan edildi.
1941-nji ýyl. Amerikanyň Birleşen Ştatlarynyň Waşington ştatynda dünýäde iň uly beton bent bolan Grand-Kuli işe girizildi.
1960-njy ýyl. Amerikaly fizikler Artur Şawlow we Çarlz Tauns ilkinji bolup lazeri patentleşdirdiler.
