13–18-nji maý aralygynda Gazagystanyň Türküstan şäherinde ilkinji gezek Türki döwletleriň 16 ýaşyna çenli wekilleriniň arasynda Küşt olimpiadasy geçiriler.
Ýaryşa Türkiýeden, Türkmenistandan, Özbegistandan, Gyrgyzystandan, Gazagystandan we Azerbaýjandan iň güýçli ýaş küştçüler gatnaşarlar.
Aň-paýhas oýny boýunça ýurdumyzyň abraýyny gorajak türgenleri kesgitlemek maksady bilen, 18–22-nji mart aralygynda Aşgabat şäherindäki Ýöriteleşdirilen küşt we şaşka mekdebinde saýlama ýaryş geçiriler. Ýaryşa 2010-njy ýylda doglan we şondan kiçi ýaşly küştçüler çagyrylýar.
Saýlama ýaryşyň netijeleri boýunça ýygyndy topar düzüler: ýaryşyň iň öňde 4 oýunçysy + iň gowy netije görkezen bir gyz. Şeýlelikde, saýlanan şol 5 küştçi Türki döwletleriň ilkinji Küşt olimpiadasynda Türkmenistana wekilçilik ederler.
Goşmaça maglumatlar bildirişde görkezilendir.
